
第一世噶玛巴教言集1KM30རྡོ་རྗེ་རྣལ་འབྱོར་མ་ཞལ་བཞི་མའི་སྐོར་བཞུགས་སོ། །
1-2-195a
༄༅། །རྡོ་རྗེ་རྣལ་འབྱོར་མ་ཞལ་བཞི་མའི་སྐོར་བཞུགས་སོ། །
༄། །གསང་བ་སྙིང་པོ་བླ་ན་མེད་པ། དཔལ་རྡོ་རྗེ་རྣལ་འབྱོར་མ་ཞལ་བཞི་མའི་མངོན་པར་རྟོགས་པ།
༄༅། །རྡོ་རྗེ་རྣལ་འབྱོར་མ་ཞལ་བཞི་མའི་སྐོར་བཞུགས་སོ། །རྒྱ་གར་སྐད་དུ། ཤྲཱི་བཛྲ་ཡོ་གི་ནཱི་ཙ་ཏུར་མུ་ཁ་ཨུ་པ་དེ་ཤ་ན་མ། བོད་སྐད་དུ། དཔལ་རྡོ་རྗེ་རྣལ་འབྱོར་མ་ཞལ་བཞི་མའི་མན་ངག་ཅེས་བྱ་བ། དཔལ་ཧེ་རུ་ཀ་ལ་ཕྱག་འཚལ་ལོ། །དང་པོར་རེ་ཤིག་བསྒྲུབ་པ་པོས། །དབང་ཐོབ་དམ་ཚིག་སྡོམ་ལྡན་པས། །དུར་ཁྲོད་ལ་སོགས་དབེན་པར་ནི། །མཆོད་དང་གཏོར་མ་ལྡན་པ་ཡིས། །སྟན་བདེ་ལ་འདུག་སེམས་བསྐྱེད་
1-2-195b
ལྡན༑ ༑ཚད་མེད་བཞི་པོ་བསམ་བྱས་ཏེ། །རྗེ་བཙུན་མ་དང་ཧེ་རུ་ཀའི། །གཉིས་མེད་གོ་འཕང་ཐོབ་འདོད་པས། །སྟོང་ཉིད་ངང་ལ་ཆོས་འབྱུང་གནས། །དཀྱིལ་འཁོར་ཕོ་བྲང་གཞལ་ཡས་ཁང་། །འཁོར་ལོ་པདྨ་འདབ་དབུས་སུ། །སྣ་ཚོགས་རྡོ་རྗེའི་ས་གཞི་ལས། །རྡོ་རྗེའི་ར་བ་དྲ་གུར་ལྡན། །པད་མ་འདབ་བརྒྱད་ལྡེ་བར་ནི། །རཾ་ལས་ཉི་མ་ཨ་ཟླ་བ། །བཾ་དམར་འོད་འཕྲོས་སྤྲོ་དང་བསྡུས། །འགྲོ་སྦྱངས་བསོད་ནམས་ཡེ་ཤེས་ཚོགས། །སྔོན་འགྲོ་དག་པའི་སྔགས་ཀྱིས་སྦྱངས། །བཾ་དང་སྔགས་བཅས་འོད་དུ་ཞུ། །དེ་ལས་སྐད་ཅིག་སྐུ་བསྐྱེད་པ། །དཔལ་ལྡན་རྡོ་རྗེ་རྣལ་འབྱོར་མ། །ཞལ་བཞི་ཕྱག་ནི་བཅུ་གཉིས་པ། །སྐུ་མདོག་བན་དུ་རི་ཀ་ལྟར། །སྤྱན་ནི་གསུམ་གསུམ་མངའ་བ་སྟེ། །སྔོ་དཀར་ལྗང་དང་མཆེ་བ་གཙིགས། །ཕྱག་རྒྱ་ལྔས་ནི་བརྒྱན་པ་ཉིད། །དང་པོ་རྡོ་རྗེ་གྲི་གུག་སྟེ། །གཡོན་པ་ཐོད་པ་ཁྲག་བཀང་བ། །བསྣོལ་བས་ཧེ་རུ་ཀ་དཔལ་ནི། །ཞལ་གཅིག་ཕྱག་གཉིས་རྡོ་རྗེ་དང་། །དྲིལ་བུ་འཛིན་པ་སྐུ་མདོག་མཐིང་། །དགྱེས་པ་བདེ་ཆེན་སྙོམས་པས་འཇུག །ཌཱ་མ་རུ་དང་ཁ་ཊྭཱཾ་ག །ན་རའི་ལྤགས་པ་འཛིན་པ་དང་། །པད་མ་གར་གྱི་ཕྱག་རྒྱ་སྟེ། །ཡང་ན་སྟ་རེ་རྡོ་རྗེ་ཞགས། །ཐ་མར་རྩེ་གསུམ་ཚངས་མགོ་བོ། །མི་མགོ་ལྔ་བཅུའི་དོ་ཤལ་ཅན། །གཙུག་ཏུ་འཁོར་ལོ་ནོར་བུ་མཛེས། །དབང་ཕྱུག་དབུ་མ་རོ་ཡི་གདན། །གཡས་བརྐྱང་
1-2-196a
༄༅། །གཡོན་བསྐུམ་གར་ཉམས་ལྡན། །མེ་དཔུང་ཀློང་གནས་རོལ་པའོ། །རྡོ་རྗེ་རིན་ཆེན་པད་མ་ལས། །མཁའ་འགྲོ་བཞི་མཚམས་བཾ་སྟེང་དུ། །ཀ་པཱ་ལ་ནི་བདུད་རྩིས་གང་། ཨོཾ་བཾ་ཧཾ་ཡོཾ་ཧྲིཾ་མོཾ་དང་། ཧྲིཾ་ཧྲིཾ་ཧཱུཾ་ཧཱུཾ་ཕཊ་ལས་གོ་ཆ་ཡི། །ལྷ་མོ་དྲུག་གིས་ཡོངས་བསྐོར་ནས། །སྐྱིལ་དཀྲུང་ཕྱེད་པའི་གར་ཐབས་རོལ། །མཁའ་འགྲོ་མ་ཡི་དྲ་བ་གུར། །ཐམས་ཅད་ས་གསུམ་ཌཱ་ཀི་མ། །རྒྱན་བཅས་བདེ་བར་གནས་པ་བལྟ་༑ ༑ས་བོན་ཕྲེང་བ་ལྡན་པ་ལས། །འགྲོ་སྦྱངས་སྤྲོ་བསྡུ་ཡེ་ཤེས་པ། །སྤྱན་དྲངས་བསྟིམ་ཞིང་དབང་བསྐུར་བསམ། །གནས་གསུམ་བྱིན་རླབས་རིམ་པ་བཞིན། །ཨོཾ་ཨོཾ་ཨོཾ་སརྦ་བུདྡྷ་ཌཱ་ཀི་ནི། བཛྲ་ཌཱ་ཀི་ནི། བཛྲ་ཝརྞ་ནི་ཡེ། བཛྲ་བཻ་རོ་ཙ་ནི་ཡེ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་སྭཱ་ཧཱ། ཞེས། འཁོར་ལོ་མེ་ལྟར་འབར་བས་སོ། །རྗེས་ལ་འོད་འཕྲོས་སྣོད་བཅུད་ནི། །ལྷར་དག་བསྡུས་ལ་བཾ་ཡང་ནི། །ནཱ་དར་བསྡུས་ལ་ཕྱག་རྒྱ་ཆེ། གནས་ལུགས་ངང་བཞག་སྙིང་རྗེ་དང་། །བྱང་སེམས་སྟོང་ཉིད་ངང་གནས་ལ། །རྗེས་ལ་སྨོན་ལམ་བསྔོ་བ་ཡིས། །གཞན་དོན་རྗེས་འཛིན་མཆོད་པ་དང་། །བསྟོད་བྱ་སིན་དྷུ་ར་ཡིས་ནི། །བྱིན་རླབས་ཕྲིན་ལས་དབང་བཞི་རྫོགས། །དེ་ཉིད་ལས་ཚོགས་ཐམས་ཅད་དང་། །འབྲས་བུ་སྐུ་བཞི་རྫོགས་པར་འགྱུར། །གསང་བ་སྙིང་པོ་བླ་ན་མེད་པ། དཔལ་རྡོ་རྗེ་རྣལ་འབྱོར་མ་ཞལ་བཞི་མའི་མངོན་པར་རྟོགས་པ། སློབ་
1-2-196b
དཔོན་ཨིནྡྲ་བོ་དྷི་བར་པས་གསུངས་པ། དུར་ཁྲོད་ཛ་ལནྡྷ་རར་གྲུབ་ཐོབ་རྣལ་འབྱོར་པ་ལ་གསུངས་པའོ། །ཨྠྀི། བཀའ་རྒྱ།། ༈ །།
༄། །རྡོ་རྗེ་རྣལ་འབྱོར་མའི་མངོན་པར་རྟོགས་པའི་རིམ་པ།
ཨོཾ་སྭ་སྟི། དངོས་གྲུབ་རིན་ཆེན་རྒྱ་མཚོ་ནས། །གདུལ་བྱ་ཡིད་བཞིན་ནོར་བུ་བརྙེས། །མཐའ་བྲལ་མི་གནས་ཉི་ཟླ་བཞིན། །དོན་གཉིས་གྲུབ་པའི་རྗེ་ལ་འདུད། །འཇའ་ལུས་མཆོག་གི་སྤྲུལ་པ་གཉིས། །དག་སྣང་འདུ་འབྲལ་མེད་པར་མཇལ། །ཟུང་འཇུག་བློ་ལས་འདས་པའི་དོན། བརྗོད་བྲལ་ངང་དུ་ཞུས་གཏུགས་མཛད། །སྙན་རྒྱུད་སྒྲོ་བཀུར་བྲལ་བ་འདི། །རྟེན་འབྲེལ་ཟབ་པ་རྣམས་ལ་གསུངས། །སླར་ཡང་སྣོད་ལྡན་དད་བརྩོན་ཅན། །ཕྱི་རབས་དོན་དུ་ཡི་གེར་བཀོད། །མན་ངག་ཐུགས་ཀྱི་ཉིང་ཁུ་འདི། །བསྒོམ་པར་འདོད་ན་སྣོད་ལྡན་གཅིག །སྨིན་ལམ་རིན་ཆེན་དབང་བཞི་དང་། །གྲོལ་ལམ་རྗེས་གནང་བཅས་པར་ཞུ། །དེ་ནས་བསྒྲུབ་ལ་བརྩོན་པར་བྱ། །དུར་ཁྲོད་རི་དགོན་ལ་སོགས་པར༑ ༑བློ་བདེའི་སྟན་ལ་ཅི་བདེར་འདུག །འགྲོ་བའི་དོན་དུ་སེམས་བསྐྱེད་མཛོད། །རང་གི་ཐུགས་ཀར་པད་ཉིའི་སྟེང་། །བཾ་གི་འོད་ཀྱིས་ཨུ་རྒྱན་ནས། །མ་ཚོགས་འཁོར་བཅས་སྤྱན་དྲངས་ལ། །ལུས་དུ་མར་སྤྲུལ་ལ་ངག་གིས་བསྟོད་པ་བརྗོད་ཕྱག་འཚལ་བར་བསྒོམ་སོགས་ཕྱི་ལྷ་མོ་ལྔས་རྣམ་ལྔ་ནང་ཡིད་ཀྱིས་རིགས་ཀྱི་ཡུམ་བཞིས་ཤ་ལྔ་བདུད་རྩི་ལྔས་གསང་བས་ལྷ་མོ་བཞི་ཡང་གཙོ་མོ་ལ་ཐིམ་པར་བསམ་མཆོད། །སྡིག་བཤགས་ལམ་བརྟེན་ཡན་ལག་
1-2-197a
༄༅། །བདུན། །དགེ་བསྔོ་གོ་རིམ་བཞིན་དུ་བྱ། །དེ་ནས་ཚངས་པའི་གནས་བཞི་བསྒོམ། །བསོད་ནམས་ཚོགས་ཀྱི་ཡན་ལག་ཡིན། །ཆོས་རྣམས་གདོད་ནས་མ་གྲུབ་པ། །དག་པའི་སྔགས་བརྗོད་དེ་གསལ་གདབ། །དེ་ཡི་ངང་ལ་བློ་བཞག་པ། །འབྲས་བུ་ཡེ་ཤེས་ཚོགས་སུ་བརྗོད། །དེ་ཡི་ངང་ལ་རྟེན་བསྐྱེད་པ། །བྷྲུཾ་ཡོངས་གྱུར་ལས་འཁོར་ལོ་མཆོག །རིན་ཆེན་སྣ་ཚོགས་གཞལ་ཡས་ཀྱི། ཁང་པ་བརྩེགས་མའི་རྣམ་པར་བསྒོམ། །གྲུ་བཞི་ཟུར་བཞི་རྟ་བབས་བཞི། །ཀ་བ་བརྒྱད་དང་བ་དན་ཕྲེང་། །དྲ་བ་དྲ་ཕྱེད་ཀྱིས་མཛེས་པའི། །སྒོ་དང་སྒོ་ཁྱུད་ལ་སོགས་བསྒོམ། །དེ་ཡི་ནང་དུ་ཆོས་འབྱུང་གི །ལྟེ་བར་རཾ་ལས་བྱུང་པ་ཡི། །པད་ཉི་རོ་སྟེང་གདན་ལ་ནི། །བརྟེན་པ་ལྷ་ཚོགས་བསྐྱེད་བྱ་བ། །བཾ་གི་འོད་ཀྱིས་སྣོད་བཅུད་སྦྱངས། །འོད་ཟེར་སླར་འདུས་བཾ་ལ་ཐིམ། །དེ་ལས་བདག་ཉིད་རྗེ་བཙུན་མ། །ཞལ་བཞི་ཕྱག་ནི་བཅུ་གཉིས་སྟེ། །གཡས་སེར་གཡོན་ལྗང་རྩ་ཞལ་དང་། །སྐུ་མདོག་སིན་དྷུ་ར་དང་མཚུངས། །ཡབ་མེད་ན་རྒྱབ་ཞལ་སྔོ་བའམ་ཡབ་ཡོད་ན་དམར་བ་ཉིད། །སྤྱན་གསུམ་མཆེ་བ་ཅུང་ཟད་གཙིགས། །དབུ་སྐྲ་ནག་པོ་ཐུར་དུ་གྲོལ༑ ༑སྐུ་མཚམས་ཐོད་པ་ལྔ་ཡིས་བརྒྱན། །རློན་པ་ལྔ་བཅུའི་དོ་ཤལ་མངའ། །ཞིང་ཆེན་རུས་པའི་རྒྱན་ལྔ་མཛེས། །དང་པོ་གྲི་གུག་གཡོན་ཐོད་ཁྲག །དེ་འོག་གཉིས་ཀྱིས་ཞིང་ལྤགས་བསྣམས། །ཅང་ཏེ་དགྲ་
1-2-197b
སྟ་རྡོར་མདུང་གཡས། ཁ་ཊྭཱཾ་རྡོར་ཞང་དྲིལ་མགོ་གཡོན། །ཡབ་མེད་པར་བསྒོམ་ན་ཁ་ཊྭཱཾ་གྲུ་མོར་བཅུག་ཕྱག་བཞི་པའི་གྲི་ཐོད་གཉིས་རྡོ་རྗེ་དྲིལ་བུར་བསྒྱུར་གསུང་ཕྱེད་ཀྲུང་ཁ་ཊྭཱཾ་བསྣམས་པ་ཡི། །འཇིགས་དུས་གདན་ལ་བརྐྱང་བསྐུམ་ཚུལ༑ ༑རང་སྣང་ཡབ་ལ་འཁྱུད་པ་ནི། །མན་ངག་བཞིན་དུ་ཤེས་པར་བྱ། །དེ་ནས་ས་བོན་འོད་ཟེར་གྱིས། །མ་ཚོགས་ནམ་མཁར་སྤྱན་དྲངས་ལ། །ཡིད་ཀྱིས་ཕྱི་ནང་གསང་བས་མཆོད། །ཛཿཧཱུྃ་བྃ་ཧོཿགཉིས་མེད་བསྟིམ། །ཉི་ཟླ་པད་མའི་གདན་སྟེང་དུ། །ཡི་གེ་དཀར་དམར་སྔོ་གསུམ་གྱིས། །བདག་དང་ལྷ་ཚོགས་གང་བསྐྱེད་པའི། །གནས་གསུམ་རྒྱས་གདབ་བྱིན་གྱིས་བརླབས། །ཡང་རང་གི་ཐུགས་ཀའི་བཾ་འོད་ཀྱིས་རྗེ་བཙུན་མ། །སྤྱན་དྲངས་ཕྱི་ནང་གསང་བས་མཆོད། །བྱང་ཆུབ་རྡོ་རྗེས་གསོལ་བཏབ་པས། །ཇོ་མོའི་ཐུགས་ཀར་སྤྲོས་པའི་ལྷ་མོ་ལྔས། །ཐོད་པ་བདུད་རྩིས་བཀང་བ་བསྣམས། །ཨ་བྷི་ཥིཉྩས་དབང་བསྐུར་བས༑ ༑སྒོ་གསུམ་དྲི་མ་དག་གྱུར་ནས། །བདུད་རྩིའི་ལྷག་མ་ལུད་པ་ལས། །དབང་རྟགས་མི་བསྐྱོད་ཅོད་པན་བྱུང་། །བརྟན་པར་མ་གྱུར་བར་དུ་བསྒོམ། །ཕྱག་རྒྱ་གཉིས་ལ་བརྟེན་པ་ཡི། །མཚན་བཅས་རྫོགས་རིམ་བསྒོམ་པ་ནི། །ལྟེ་བར་ཆོས་འབྱུང་གཉིས་བརྩེགས་ཀྱི། །དབུས་སུ་བཾ་བསམ་རྩིབས་དྲུག་ལ། །ཨོཾ་བཾ་ལ་སོགས་བསྒོམ་པར་བྱ། །བཾ་གི་འོད་ཀྱིས་སེམས་ཅན་སྦྱངས། །འོད་ཟེར་ཚུར་འདུས་པཾ་ལ་
1-2-198a
༄༅། །ཐིམ། །དེ་ལས་ཇོ་མོ་ལྷ་བདུན་བསྐྱེད། །འཁོར་རྣམས་གཙོ་མོ་ལ་ཐིམ་པས། །གཙོ་མོ་བོ་གྱུར་འོད་དུ་ཞུ། །འོད་ཟེར་པད་སྣལ་ལྟ་བུ་སྟེ། །ཨ་བ་དྷུ་ཏིའི་ནང་དུ་ཞུགས། །སྤྱི་བོ་བདེ་ཆེན་འཁོར་ལོར་ཐོན། ཁྲོ་མོའི་ཞལ་གསུམ་ལ་ཕོག་པས། །རྔུབས་པའི་ཚུལ་གྱིས་གཙོ་མོར་ཐིམ། །རྩ་བའི་ཞལ་ཡང་སྐུ་ལ་བསྡུ། །སྐུ་ཡང་ཐུགས་ཀའི་བཾ་ལ་བསྡུ། །བཾ་ཡང་ཐིག་ལེ་ནཱ་ད་ནས། །རིམ་གྱིས་འཇའ་ཚོན་ཡལ་བ་བཞིན། །འོད་གསལ་སྟོང་པར་བློ་བཞག་པས། །དྲོད་དང་བདེ་བ་མི་རྟོག་པ། །གཅིག་ལ་གཅིག་བརྟེན་ཤུགས་ཀྱིས་སྐྱེ། །སོ་མ་རང་ག་མ་བཅོས་པའི། །འཛིན་མེད་ངང་ལ་ལྷུག་པར་བཞག །དེ་ནི་རྫོགས་པའི་རིམ་པར་གསུངས། །གལ་ཏེ་སྐྱོའམ་རྟོག་འཕྲོ་ན། །ཆོས་སྐུ་འོད་གསལ་སྟོང་པ་ལས། །ལོངས་སྐུ་སྒྱུ་མའི་ཚུལ་དུ་ལྡང་། །སྣང་ལ་རང་བཞིན་མེད་པར་བསྒོམ། །ཐུན་མཚམས་བཟླས་པའི་མན་ངག་ནི། རང་གི་ཞལ་ནས་ལྟེ་བར་ཞུགས། །དབུ་མའི་ལམ་ནས་ཞལ་དུ་ཐིམ། །དེ་བཞིན་འཁོར་བར་དམིགས་ལ་བཟླ། །ཨོཾ་ཨོཾ་ཨོཾ་སརྦ་བུདྡྷ་ཌཱ་ཀི་ནི་ཡེ་བཛྲ་ཝརྞ་ནི་ཡེ། བཛྲ་བཻ་རོ་ཙ་ནི་ཡེ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་སྭཱ་ཧཱ། རྡོ་རྗེ་རྣལ་འབྱོར་མའི་མངོན་པར་རྟོགས་པའི་རིམ་པ། ལུས་ལྷ། ངག་སྔགས། ཡིད་རྫོགས་པའི་རིམ་པ་སྟེ། འཁོར་ལོ་གསུམ་པོ་འདི་དང་དུས་ཐམས་ཅད་དུ་མི་འབྲལ་བར་བྱའོ། །རྫོགས་སོ།། །།
༄། །གཏོར་མའི་ཆོ་ག་བཀོད་པ།
བླ་མ་ཡི་དམ་
1-2-198b
མཁའ་འགྲོའི་ཚོགས་ལ། །གུས་པས་བཏུད་དེ་བ་ལིཾ་འདོད་པས། །རིན་ཆེན་སྣོད་དམ་ཐོད་པའི་ནང་དུ། །ཁུ་བ་ཤ་ཆང་ལ་སོགས་བླུགས་ལ། །རང་གི་མདུན་དུ་སྟེགས་བུའི་ཁར་བཞག །སེམས་བསྐྱེད་བྱས་ལ་ཡི་དམ་ལྷར་བསྒོམ། །དག་པའི་སྔགས་ཀྱིས་གཏོར་མ་མི་དམིགས། །ཡཾ་ལས་རླུང་གི་དཀྱིལ་འཁོར་གཞུ་བཞིན། །བ་དན་མཚན་པའི་སྟེང་དུ་རཾ་ལས། །མེ་ཡི་དཀྱིལ་འཁོར་ནང་དུ་ཀཾ་ལས། །ཐོད་པའི་སྒྱེད་པུ་གསུམ་གྱི་ཁ་ལ། །ཨ་ལས་ཐོད་པ་དུམ་བུ་གཅིག་པར། །ཤ་ལྔ་བདུད་རྩི་ལྔ་སོགས་རིམ་བཞིན། །ཟླ་བའི་ཁ་ཆོད་སྟེང་དུ་ཁ་ཊྭཱཾ། །རྩེ་མོ་ཐུར་ལྟས་མི་མགོ་གསུམ་ལ། །ཡི་གེ་གསུམ་ཡང་རིམ་པ་བཞིན་བསྒོམ། ངག་ཏུ་ཧཱུྃ་བརྗོད་རང་གི་སྣ་ནས། །རླུང་གི་རང་བཞིན་ཧཱུྃ་གི་རྣམ་པས། །བ་དན་བསྐྱོད་པས་རླུང་གིས་མེ་སྦར། །ཐོད་པ་དྲོས་ནས་རྫས་རྣམས་ཞུ་བས། །མི་གཙང་དྲི་མའི་ཚོགས་རྣམས་ཕྱིར་ལུད། །བདུད་རྩིའི་ང་བཞིན་སྦྲང་རྩི་ལྟར་གྱུར། །ཨོཾ་གྱིས་མཾ་དང་ཨ་ཡིས་བདུད་རྩི། །ཧཱུྃ་གི་འོད་ཀྱིས་དེ་བཞིན་གཤེགས་པའི། །སྐུ་གསུང་ཐུགས་ཀྱི་བདུད་རྩི་བཀུག་ནས། ཁ་ཊྭཱཾ་སྲུ་གུར་བབ་པས་འདྲེས་ཤིང་། །ལན་གསུམ་ཡི་གེ་གསུམ་ཡང་བརྗོད་པས། ཁ་ཊྭཱཾ་ཟླ་བར་བཅས་པ་ཞུ་བས། །ཟག་མེད་བདུད་རྩི་འདོད་ཡོན་ལྔར་གྱུར། །ཐུགས་ཀའི་བཾ་ལས་འོད་ཟེར་འཕྲོས་པས། །ཨུ་རྒྱན་གནས་ཀྱི་དཀྱིལ་འཁོར་ལྷ་ཚོགས། །དཔའ་མོ་
1-2-199a
༄༅། །སུམ་བཅུ་དྲུག་གིས་བསྐོར་བའི། །ཞལ་བཞི་མའི་ལྷ་ཚོགས་སྤྱན་དྲངས། །འབུལ་བའི་སྔགས་ནི་གསུམ་མམ་བདུན་བརྗོད། །རྡོ་རྗེ་ལྗགས་ཀྱི་སྦྲ་གུར་གསོལ་བས། །མཉེས་ཤིང་ཚིམ་གྱུར་རྐང་བརྒྱད་ཀྱིས་བསྟོད། །འདོད་པའི་དོན་ལ་གསོལ་བ་གདབ་ཅིང་། །ལྷ་ཚོགས་ཨུ་རྒྱན་གནས་སུ་གཤེགས་ནས། །ཡི་གེ་བརྒྱ་བས་ལྷག་ཆད་ཁ་བསྐང་། །དགེ་བ་སེམས་ཅན་དོན་དུ་ཡོངས་བསྔོ། །ཨོཾ་བཛྲ་བཻ་རོ་ཙ་ནཱི་ཡེ་ཧྲི་ཧ་ཧ་ཧཱུྃ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། སརྦ་ཡཀྵ། རཀྵ་ས། བྷུ་ཏ། པྲེ་ཏ། པི་ཤ་ཙ། ཨུད་མཎྜ། ཨ་པ་སྨ་ར། བཛྲ་ཌཱ་ཀ ཌཱ་ཀི་ནྱཻ་དྷ་ཡ། ཨི་དཾ་བ་ལིཾ་གྲྀ་ཧཎ་ཏུ། ས་མ་ཡ་རཀྵནྟུ། མཱ་མ་སརྦ་སིདྡྷི་མྨེ་པྲ་ཡ་ཙྪནྟུ། ཡ་ཐཻ་བཾ། ཡ་ཐཻ་ཥྚཾ། བྷུ་ཛ་ཐཱ། ཛི་གྷྲ་ཐཱ། པི་པཱ་ཐཱ། མ་ཏི་ཀྲ་མ་ཐཱ། མཱ་མ་སརྦ་ཀ་ར་ཏ་ཡ་སིད་སུ་ཁཾ་བི་ཤུདྡྷ་ཡེ་ས་ཧ་ཡི་ཀ་བྷ་ཝནྟུ་ཧུཾ་ཧུཾ་ཕཊ་ཕཊ་སྭཱ་ཧཱ། ཞེས་ལན་གསུམ་བརྗོད་ལ་འབུལ། གཏོར་མའི་ཆོ་ག་བཀོད་པ་རྫོགས་སོ།། །།
༄། །སིན་དྷུ་ར་སྔགས་ཀྱི་མཆོད་པ་ལག་ལེན་བསྒྲིགས་པ།
དཔལ་རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །དཔལ་རྡོ་རྗེ་རྣལ་འབྱོར་མའི་སྒོ་ནས་མཎྜལ་ཡེ་ཤེས་ཀྱི་པཱུ་ཛ་བྱེད་པར་འདོད་པས། གནས་ཁང་དུར་ཁྲོད་ལ་སོགས་པ་མཚན་ཉིད་དང་ལྡན་པ་ཕྱགས་དར་བྱས་ལ། བླ་རེ་ལ་སོགས་པས་ལེགས་པར་བརྒྱན། བླ་མའི་སྐུ་འབག་དང་ཁྱད་པར་དུ་རྣལ་འབྱོར་མའི་ཐང་སྐུ་ལ་སོགས་པའི་རྟེན་རྣམས་བཀྲམ། དེ་ནས་གཞོན་ནུ་མའི་པཱུ་ཛ་སྔོན་དུ་
1-2-199b
སོང་པས། དང་པོར་མཎྜལ་བ་ཡི་རྣམ་ལྔས་བྱུགས། དེ་ནས་དྲི་དང་ཆང་གིས་བྱུགས། རེ་ཁ་དཀར་པོས་བཟླུམ་པོར་བསྐོར། །དེའི་ནང་དུ་ཆོས་འབྱུང་གཉིས་བརྩེགས་སམ། གང་རུང་དབུས་སུ་པདྨ་འདབ་མ་བཞི་དང་བཅས་པ་བྲི། ལྟེ་བར་བ་བྲི། འདབ་མ་བཞི་ལ་ཌཱ་ཀི་མ་བཞིའི་ཕྱག་མཚན་ནམ། ས་བོན་བྲི་བའམ། ཁོལ་མ་གདབ། རྩིབས་དྲུག་ལ་གོ་ཆའི་ལྷ་མོ་དྲུག་གི་ས་བོན་ནམ། ཕྱག་མཚན་ནམ། ཡང་ན་གཡུང་དྲུང་རེ་རེ་བྲིའོ། །ཐོད་པ་མཚན་ལྡན་གཅིག་གི་ནང་དུ་ཨ་མྲྀ་ཏ་ལ་བདུད་རྩི་རིལ་བུ་སྦྱངས་ལ་མདུན་དུ་བཞག །ཡང་ཐོད་པ་མཚན་དང་ལྡན་པ་གཅིག་ཏུ་ཤ་སྣ་ཚོགས་དང་། སྙིང་སྣ་ཚོགས་ལ་བྱས་པའི་གཏོར་མ་གཅིག་ཀྱང་མ་འཇིའི་ཁར་དཀྱིལ་འཁོར་གྱི་དབུས་སུ་བཞག་གོ །གཞན་ཡང་ཤ་སྣ་ཚོགས་ཀྱི་གཏོར་མས་སྣ་དྲངས་པའི་གཏོར་མ་འབྱོར་ཚད་བཤམ། གཞན་ཡང་རྣམ་ལྔ་ལ་སོགས་པའི་མཆོད་པ་འབྱོར་ཚད་བཞག །ཐབས་ཤེས་རབ་ཀྱི་རྫས་ཀྱང་ཅི་འབྱོར་པ་བཞག །དེ་ནི་བཅས་ཀྱི་རིམ་པའོ། །དེ་ན་བདག་ཉིད་སྟན་བདེ་བ་ལ་འདུག་ནས། ཡི་དམ་ལྷའི་ང་རྒྱལ་དང་ལྡན་པས། གཏོར་མ་རྒྱན་ཅན་གཅིག་འབྱུང་པོ་དང་གཞི་བདག་ལ་བྱིན་ལ་བཀའ་བསྒོ། མཚམས་བཅད། བསྲུང་བའི་འཁོར་ལོ་ཅི་རིགས་པར་བསྒོམ་པ་གཞན་ནས་འབྱུང་བ་ལྟར་བྱའོ། །དེ་ནས་གཞན་གྱི་དོན་དུ་བྱེད་ན། སྐྱབས་འགྲོ་སེམས་བསྐྱེད་
1-2-200a
༄༅། །ཆོས་བཤད་རྣམས་རྒྱས་པར་བྱས་ལ། རང་ཉིད་སེམས་བསྐྱེད་ནས། དཀོན་མཆོག་སྤྱིའི་པཱུ་ཛ་རྒྱས་པར་འབུལ། དེ་ནས་བསྐྱེད་རྫོགས་བསྒོམ། བཟླས་པ་བྱ། དེ་ནས་མཎྜལ་གྱི་བཾ་ལས་འོད་འཕྲོས༑ སེམས་ཅན་ཐམས་ཅད་ལ་ཕོག །སྡིག་སྒྲིབ་སྦྱངས། རྣལ་འབྱོར་མར་ཉེར་སྤྱོད་ལ་སོགས་པས་རང་ལ་མཆོད་གྱུར། ཚུར་འདུས་མ་ཐག་ཏུ་བོ་ཡོངས་སུ་གྱུར་པ་ལས། རྡོ་རྗེ་རྣལ་འབྱོར་མ་ཞལ་བཞི་ཕྱག་བཅུ་གཉིས་མ་གཞལ་ཡས་ཁང་གདན་དང་དུར་ཁྲོད་དང་བཅས་སྒྲུབ་ཐབས་ལྟར་བསྐྱེད། པད་འདབ་བཞི་ལ་ཌཱ་ཀི་མ་བཞི་བསྐྱེད། རྩིབས་དྲུག་ལ་གོ་ཆའི་ལྷ་མོ་དྲུག་བསྐྱེད། དེ་ནས་རང་གི་མདུན་གྱི་གཙོ་མོའི་ཐུགས་ཀའི་ས་བོན་ལས་འོད་འཕྲོས། ཨུ་རྒྱན་ནས་དཀྱིལ་འཁོར་གྱི་ལྷ་ཚོགས་གཞལ་ཡས་ཁང་དུར་ཁྲོད་དང་བཅས་པ་གཅིག་སྤྱན་དྲངས་ལ་གཉིས་སུ་མེད་པར་བསྟིམ་ལ། པཱུ་ཛ་དང་བསྟོད་པ་བྱས་ནས་དེ་བརྟན་པའི་ཕྱིར། བཟླས་པ་ཅི་རིགས་པ་བྱའོ། །དེ་ནས་ཆང་བྱིན་གྱིས་བརླབ་པ་ནི་དཀྱིལ་འཁོར་གྱི་ལྷ་ཡི་ཐུགས་ཀར་སེམས་གཏད་ལ། ལག་པ་གཡས་པའི་མཐིལ་དུ་ཐོད་པ་བཞག་ལ། གཡོན་པས་བཀབ་ནས་ཆང་གི་ནང་དུ་ཐིག་ལེ་གསུམ་བསམ་ལ། ངག་ཏུ། ཨོཾ་ཨཱཿཧཱུཾ། ཞེས་ལན་གསུམ་བརྗོད་ལ། ཡི་གེ་རིམ་པ་བཞིན་ཞུ་བས་བདུད་རྩིར་ལྟེམ་གྱིས་གྱུར་པར་བསམ། དེ་ནས་སྤྱི་བོར་བླ་མ་བསམ་ལ། ངག་ཏུ། གུ་རུ་ཨ་མྲྀ་ཏ་
1-2-200b
ཁཱ་ཧི། ཞེས་པས་བླ་མ་མཆོད། དེ་ནས་དཀྱིལ་འཁོར་གྱི་ལྷ་མཆོད། དེ་ནས་ཚོགས་ལ་གཏོར་བས་བདུད་རྩིར་བསམ། གནས་ཁང་ལ་གཏོར་བས་ཌཱ་ཀི་མའི་ར་བ་དང་གུར་དུ་གྱུར་པར་བསམ། རང་ལ་གཏོར་བས་བ་སྤུའི་བུ་ག་ཐམས་ཅད་གཏམས་པར་བསམ། རྣལ་འབྱོར་པ་རྣམས་ལ་གཏོར་བས་དཔའ་བོ་དང་དཔའ་མོར་བྱིན་གྱིས་བརླབས་རང་གི་ལྕེ་ཐོག་དུ་བཞག་པས་བདུད་རྩི་མྱང་བར་བྱ། དེ་ནས་དཀྱིལ་འཁོར་གྱི་ལྷ་ཚོགས་ལ་ཉེར་སྤྱོད་ལ་ལྔ་སྔོན་དུ་འགྲོ་བས་ཕྱི་ནང་གསང་བ་གསུམ་གྱིས་མཆོད། དེ་ནས་བདུད་རྩི་དང་ཚོགས་དང་ཐུན་མོང་མ་ཡིན་པའི་པཱུ་ཛ་རྣམས་ཀྱིས་མཆོད། བསྟོད་པ་བྱ། སྐབས་འདིར་བདག་གཞན་གྱི་དོན་དུ་མཆོག་གི་དངོས་གྲུབ་ཐོབ་པའི་གསོལ་བ་གདབ་པ་དང་། དེ་གྲུབ་ནས་སེམས་ཅན་ཐམས་ཅད་དེ་ཉིད་ཀྱི་གོ་འཕང་ལ་དགོད་པའི་གསོལ་བ་གདབ་བོ། །དེ་ནས་དེར་འཚོགས་པ་རྣམས་ལ་ཉེར་སྤྱོད་ལྔས་མཆོད། དེའི་རྗེས་ལ་ཆང་ཕུད་འབུལ། ཚོགས་ཕུད་གཏོར་མར་བཅུག་ལ། ཚོགས་ལ་ལོངས་སྤྱོད། རྡོ་རྗེའི་གླུ་བླང་བ་དང་། བླ་མ་ལ་གསོལ་བ་འདེབས་པ་ཡང་བྱ། དེ་ནས་དཀྱིལ་འཁོར་གྱི་ལྷ་ཚོགས་བླ་མ་དང་དབྱེར་མེད་པ་ལ་བཏང་རག་གི་པཱུ་ཛ་དབུལ། བསྟོད་པ་བྱ། གཏོར་མ་འབུལ་བ་ནི། མཎྜལ་དབུས་ཀྱི་བ་ལཾ་དེ་དཀྱིལ་འཁོར་ལྷ་ཚོགས། དེ་ནས་ཡི་དམ་གྱི་ལྷ་གཞན་དང་། ཆོས་སྐྱོང་རྣམས་
1-2-201a
༄༅། །ལ་ཡང་རིམ་པ་བཞིན་འབུལ་ལ་བསྟོད་པ་བྱ། ཕྲིན་ལས་བཅོལ། དེ་ནས་བཤགས་པ་བྱ། དེ་ནས་བཀྲ་ཤིས་བརྗོད། དེ་ནས་ཡེ་ཤེས་པ་གཤེགས། དམ་ཚིག་པ་རང་གི་ལྟེ་བར་བསྡུ། དེ་ནས་དགེ་བའི་རྩ་བ་སེམས་ཅན་གྱི་དོན་དུ་བསྔོ། ཡི་གེ་བརྒྱ་པས་བཤགས་པ་དང་ལྷག་ཆད་ཁ་བསྐང་། མཎྜལ་བསྡུ་བ་ལ་སོགས་པ་བྱས། མཎྜལ་ཡེ་ཤེས་ཀྱི་མཆོད་པ་ཌཱ་ཀི་མཉེས་ནས་དངོས་གྲུབ་རྣམ་གཉིས་ཤུགས་ལས་འབྱུང་བའི་རིམ་པ་ཡི་གེར་བཀོད་པ་ལ་འགལ་འཁྲུལ་བྱུང་ན་མཁའ་འགྲོས་བཟོད་པར་གསོལ། དགེ་བས་འགྲོ་དོན་འགྲུབ་པར་ཤོག། །།བཛྲ་ཡོ་གི་ནི་གུ་རུ་ན་མོ། སིནྡྷུ་ར་སྔགས་ཀྱི་མཆོད་པ་བྱེད་པར་འདོད་པས། གནས་ཁང་མཚན་ཉིད་དང་ལྡན་པ་གད་དར་ལེགས་པར་བྱས་ལ། གནས་ཁང་བརྒྱན་པ་དང་རྟེན་བཀྲམ་པ་ལ་སོགས་པ་བཅས་ཐམས་ཅད་མཎྜལ་ལྟར་བྱས་ལ། ཁྱད་པར་ནི་སིན་དྷུ་རའི་བྱ་བས་ཏེ༑ མེ་ལོང་གཡའ་དག་པ་དྲི་དང་ཆང་གིས་བྱུགས་ལ། དེའི་སྟེང་དུ་དར་སེང་བ་ལ་སིན་དྷུ་ར་བཙགས་ལ་གསེར་གྱི་སྨྱུ་གུས་ཆོས་འབྱུང་གཉིས་བརྩེགས་བྲིས་པའི་དབུས་སུ། པདྨ་འདབ་མ་བཞི་པ་བྲིས་པའི་ལྟེ་བར་བཾ་བྲི། དེའི་མཐ་ར་མར་སྐུ་གསུང་ཐུགས་ཀྱི་སྔགས་ཀྱིས་བསྐོར། པད་མ་འདབ་བཞི་ལ། ཤར་དུ་བཛྲ་ཌཱ་ཀི་ནི། ལྷོར་རཏྣ་ཌཱ་ཀི་ནི། ནུབ་ཏུ་པདྨ་ཌཱ་ཀི་ནི། བྱང་དུ་བི་ཤྭ་ཌཱ་ཀི་ནི་བྲིའོ། །རྩིབས་དྲུག་ལ། ཨོཾ་
1-2-201b
བཾ༑ ཧཾ་ཡོཾ། ཧྲིཾ་མོ། ཧྲིཾ་ཧྲིཾ། ཧཱུཾ་ཧཱུཾ། ཕཊ་ཕཊ་ཞེས་བྲིས་ལ། ཀ་པཱ་ལ་མཚན་དང་ལྡན་པའི་ནང་དུ་ཆང་དང་ཨ་མྲྀ་ཏས་བཀང་བ་གཅིག་མ་འཇིའི་ཁར་བཞག །དེའི་སྟེང་དུ་དར་དམར་པོས་གདན་བྱས་ལ་སྔགས་མགོ་རང་ལ་བསྟན་ནས་བཞུགས་སུ་གསོལ། དེ་ནས་གཏོར་མ་དང་པཱུ་ཛའི་བཅས་དང་ཚོགས་བཤམ་པ་དང་། མཚམས་བཅད། སྐྱབས་འགྲོ། ཆོས་བཤད། སེམས་བསྐྱེད་ནས། བདག་བསྒྲུབ་པ་ལ་སོགས་པ་ཐམས་ཅད་མཎྜལ་ནས་བྱུང་པ་ལྟར་བྱའོ། །དེ་ནས་སིན་དྷུ་རའི་ལྷ་བསྐྱེད་པ་དང་། དེ་ནས་ཡེ་ཤེས་པ་སྤྱན་དྲངས་ནས་བསྟིམས་པ་དང་། དེ་ནས་མཆོད་པ་འབུལ་བ་དང་། བསྟོད་པ་དང་། གསོལ་བ་གདབ་པ་ནས་བཟུང་ནས་ལག་པ་མཆོད་པ་ལ་སོགས་སྟེ། རྗེས་ཀྱི་ཆོས་བརྒྱད་ཀུན་མཎྜལ་ཡེ་ཤེས་ལྟར་རྫོགས་པར་བྱའོ། །སིན་དྷུ་ར་སྔགས་ཀྱི་མཆོད་པ་ལག་ལེན་བསྒྲིགས་པ་རྫོགས་སོ།། །།
༄། །གཞོན་ནུ་མ་རྟེན་གྱི་པཱུ་ཛ་ཞེས་བྱ་བ།
བཛྲ་ཡོ་གི་ནི། གུ་རུ་ན་མོ༑ གཞོན་ནུ་མ་རྟེན་གྱི་མཆོད་པ་འདི་གོང་གི་མཆོད་པ་ལ་སོགས་པའི་ལས་རྣམས་ཀུན་གྱི་སྔོན་དུ་འགྲོ་བ་སྟེ། སྔ་དྲོའི་དུས་སུ་གནས་ཁང་བརྒྱན་པ་ལ་སོགས་པའི་བཅས་ཐམས་ཅད་གོང་ལྟར་བྱས་ཏེ། ཆོས་འབྱུང་རྐྱང་པ་གཡུང་དྲུང་དང་བཅས་པ་བྲིས་ལ། མཆོད་པ་དང་གཏོར་མ་དང་ཚོགས་ཀྱང་བཤམ་མོ། །དེ་ནས་བུ་མོ་གཞོན་ནུ་མ་ལོ་བཅུ་དྲུག་མན་ཆད་ལོན་པ་གྲོང་པའི་ཆོས་ཀྱིས་མ་གོས་པ་རྟོག་པ་ཤས་ཆུང་བ་
1-2-202a
༄༅། །གཅིག་བོས་ལ་གོས་དམར་པོ་བསྐོན། རྒྱན་གདགས་ལ་མཎྜལ་གྱི་དབུས་སུ་བཞག་ལ། གནས་གསུམ་དུ་སིན་དྷུ་རའི་ཐིག་ལེ་བྱའོ། །དེ་ནས་དེའི་ཐུགས་ཀར་བཾ་བསམ་པ་ལས། འོད་ཟེར་འཕྲོས་པས་སེམས་ཅན་ཐམས་ཅད་ལ་ཕོག །སྡིག་སྒྲུབ་སྦྱངས། རྣལ་འབྱོར་མར་གྱུར་ནས། ཚུར་འདུས་བཾ་ལ་ཐིམ་པས་བརྟེན་པ་རྟེན་དང་བཅས་པ་རྗེ་བཙུན་མར་གྱུར། དེའི་ཐུགས་ཀར་བཾ་བསམ་པ་ལས་འོད་ཟེར་འཕྲོས་པས། ཨུ་རྒྱན་ནས་ཞལ་བཞི་མ་སྤྱན་དྲངས་ལ་དེ་ལ་བསྟིམ། དེ་ནས་ཆང་བྱིན་རླབས་བྱས་ལ་བླ་མ་ལ་མཆོད་པ་དང་། བདག་དང་གནས་བསྲུང་བ་ལ་སོགས་བྱས། དཀྱིལ་འཁོར་གྱི་ལྷ་མཆོད། བསྟོད་པ་བྱ། དེ་ནས་ཚོགས་ཀྱིས་མཆོད་ལ། རྣམ་ལྔ་ལ་སོགས་པ་ཕྱིའི་མཆོད་པ་ཡང་བྱ་སྟེ། འདོད་པའི་དོན་ལ་གསོལ་བ་བཏབ་ནས་ཡེ་ཤེས་པ་གཤེགས། དམ་ཚིག་པ་དེ་སྣོད་དུ་རུང་པ་ཡིན་ན་སར་བཞག །མི་རུང་པ་ཡིན་ན་རིགས་དང་འཐུན་པའི་བཟའ་བཏུང་གིས་ཚིམ་པར་བྱས་ལ་བཏང་ངོ་། །གལ་ཏེ་གཞོན་ནུ་མ་དེ་འདྲ་བ་མ་འཛོམ་ན། གཞན་འདྲ་བ་ལས། ཁྱད་པར་ནི། ཆོས་འབྱུང་དབུས་སུ་དེའི་དུས་སུ་མ་འཇིའི་ཁར་བྷན་དྷ་ལྕང་ལོ་ཅན་མཚན་དང་ལྡན་པ་གཅིག་ཏུ་ཤ་སྣ་ཚོགས་ལས་བྱས་པའི་གཏོར་མ་དཔལ་གཅིག་བཞག་གསུང་ངོ་པཾ་དམར་པོ་གཅིག་བྲི། དེ་ནས་བསྒོམ་བཟླས་གཞུང་བཞིན་བྱས་ལ། བཾ་ལས་འོད་ཟེར་སྤྲོ་བསྡུ་སྔར་བཞིན་བྱས་ལ། དེ་ཚིག་
1-2-202b
པ་སྒྲུབ་ཐབས་ལྟར་བསྐྱེད་ལ། ཡེ་ཤེས་པ་གཞུག་པ་དང་བསྟོད་པ་བྱའོ། །གནས་གསུམ་བྱིན་གྱིས་བརླབ་པ་དང་། དེ་ལ་མཆོད་པ། བསྟོད་པ་གསོལ་བ་བཏབ་པ་ལ་སོགས་པ་བྱས་ལ། ཡེ་ཤེས་པ་གཤེགས། དམ་ཚིག་པ་མི་དམིགས་པར་རང་གི་ལྟེ་བར་བསྡུའོ། །དེ་ནས་བ་ལཾ་བཏང་། ཚོགས་ལ་རོལ་ཏེ། བཀྲ་ཤིས་གླུ་དབྱངས་སྙན་པ་བརྗོད་དེ། གསོལ་བ་གདབ། ཡི་གེ་བརྒྱ་པས་བཤགས་པ་བྱས་ཏེ། ལྷག་ཆད་ཁ་བསྐང་༑ ལྷག་མའི་གཏོར་མ་བཏང་། མཎྜལ་གཤེགས། དགེ་བ་བསྔོ། གཞོན་ནུ་མ་རྟེན་གྱི་པཱུ་ཛ་ཞེས་བྱ་བ། པཱུ་ཛ་དང་། རྒྱལ་པོ་དབང་དུ་བྱ་བ་དང་ཀུན་གྱི་སྔོན་དུ་འགྲོ་བའོ། །རྫོགས་སོ།། །།
༄། །ཞལ་བཞི་མའི་སྒོ་ནས་སློབ་མ་དབང་བསྐུར་བའི་རིམ་པ།
ཤྲཱི་བཛྲ་ཡོ་གི་ནི་གུ་རུ་ན་མོ། རྗེ་བཙུན་མ་ཞལ་བཞི་མའི་སྒོ་ནས་སློབ་མ་ལ་དབང་བསྐུར་བར་འདོད་པས། དུར་ཁྲོད་ལ་སོགས་པ་གནས་ཁང་མཚན་ཉིད་དང་ལྡན་པར་མཆོད་པ་དང་གཏོར་མ་བཤམས་ལ། བསྙེན་པ་ཚུལ་བཞིན་བྱའོ། །དེ་ནས་དུས་ཤིས་པ་ལ་སྔ་དྲོའི་དུས་སུ་གཞོན་ནུ་མའི་པཱུ་ཛ་སྔོན་དུ་འགྲོ་བས་གནས་བརྒྱན་པ། དཀྱིལ་འཁོར་བྲི་བ། མཆོད་པ་དང་གཏོར་མ་བཤམས་པ་རྣམས་པཱུ་ཛ་གཞུང་ལྟར་བྱ་ཞིང་། ཁྱད་པར་དུ། སིན་དྷུ་རའི་དཀྱིལ་འཁོར་གོང་ལྟར་བཞེངས་པ་ཡོལ་བས་བསྐོར། དེ་ནས་གོས་གསར་པ་གོན་པ་ཟུང་དུ་མ་གྱུར་པ་རྣམས་ཁྲུས་བྱས་ལ་གྲལ་དུ་བཞུགས་ནས། སློབ་དཔོན་ལྷའི་ང་རྒྱལ་དང་ལྡན་
1-2-203a
༄༅། །པས་བ་ལིཾ་རྒྱན་ཅན་གཞི་བདག་དང་འབྱུང་པོ་ལ་བྱིན་ལ་བཀའ་བསྒོས་བས་བགེགས་བསྐྲད་ལ། མཚམས་བཅད་ཅིང་བསྲུང་བའི་འཁོར་ལོ་ཅི་རིགས་པ་བསྒོམ་པར་བྱའོ། །དེ་ནས་སློབ་མས་མཎྜལ་ཕུལ་ལ་ཕྱག་བྱས་ནས་ཙོག་བུར་བསྡད་ལ། སློབ་དཔོན་གྱིས་གནས་སྐབས་ཀྱི་ཆོས་བཤད་ལ། སྐྱབས་འགྲོ་ནས་སྨོན་པ་སེམས་བསྐྱེད་བསླབ་བྱ་དང་བཅས་པ་བྱ་བ་ནི་རྒྱུའི་ཆོས་ཡིན་ལ། ཚེ་གཅིག་གིས་སངས་རྒྱས་པར་བྱེད་པ་འབྲས་བུའི་ཆོས་ནི། བླ་ན་མེད་པའི་རྒྱུད་ལས། དུས་གསུམ་གྱི་སངས་རྒྱས་ཐམས་ཅད་བསྐྱེད་པར་བྱེད་པའི་ཡུམ། རྡོ་རྗེ་རྣལ་འབྱོར་མའི་སྒོ་ནས་དབང་དང་བྱིན་རླབས་ཐམས་ཅད་ཞུ་བ་ཡིན་པས་དད་པ་དང་གུས་པ་དྲག་པོ་གྱིས་ཤིག་བྱས་ལ། བདག་སེམས་བསྐྱེད་སྔོན་དུ་འགྲོ་བས། དཀོན་མཆོག་སྤྱི་མཆོད་ཕུལ་ནས་བསྐྱེད་རྫོགས་བསྒོམ། དེ་ལ་པཱུ་ཛ་དང་བསྟོད་པ་བྱས་ལ་བཟླས་པ་ཅི་རིགས་པར་བྱའོ། །དེ་ནས་མེ་ལོང་གི་ལྷ་བསྐྱེད་ལ་ཡེ་ཤེས་གཞུག་པ་ལ་སོགས་པ་བསྒྲུབ་པའི་རིམ་པ་རྣམས་གོང་ལྟར་བྱའོ། །དེ་ནས་གཞུང་ནས་འབྱུང་བ་ལྟར་ལག་མཆོད་བྱས་ལ། དཀྱིལ་འཁོར་ལྷ་ལ་པཱུ་ཛཱ་དང་བསྟོད་པ་གཞུང་བཞིན་བྱའོ། །དེ་ནས་སློབ་མ་རྣམས་ཀྱིས་མཎྜལ་ཕུལ་ལ་ཕྱག་བྱས་ནས་ཡེ་ཤེས་དབབ་པའི་དོན་དུ་གསོལ་བ་གདབ་པ་ནི། བླ་མ་རྗེ་བཙུན་པ་དང་རྡོ་རྗེ་རྣལ་འབྱོར་མའི་ལྷ་ཚོགས་ཐམས་
1-2-203b
ཅད་དགོངས་སུ་གསོལ། བདག་མིང་འདི་ཞེས་བགྱི་བ་ལ་རྡོ་རྗེ་རྣལ་འབྱོར་མའི་དཀྱིལ་འཁོར་གྱི་ལྷ་ཚོགས་ཀྱི་སྐུ་གསུང་ཐུགས་ཀྱི་བྱིན་རླབས་དབབ་ཏུ་གསོལ། །ཞེས་ལན་གསུམ་གྱི་བར་དུ་བྱས་ཏེ། ཙོག་པུར་འདུག་ནས་ཆོས་འབྱུང་གི་ཕྱག་རྒྱ་སྨིན་མཚམས་སུ་བྱ་སྟེ། རྗེ་བཙུན་མར་བསྒོམ་དུ་བཅུག་ལ། དེའི་ལྟེ་བའི་ནང་དུ་ཆོས་འབྱུང་ཉིས་བརྩེགས་ཀྱི་དབུས་སུ་གཙོ་མོ་མཐེབ་གང་མ་ཞིག་བསྒོམ་རྩིབས་དྲུག་ལ་གོ་ཆའི་ལྷ་མོ་དྲུག་བསྐྱེད་པས་གཙོ་མོ་ལ་གོ་བཟློག་ཏུ་བསྐོར་བ་བྱེད་པ་ལ་སེམས་གཏད་དུ་བཅུག་ཅིང་། སློབ་དཔོན་གྱིས་མེ་ལོང་གི་གཙོ་མོའི་སྤྱི་བོར་བླ་མ་བསམ། དེ་འོད་དུ་ཞུ་བས་གཙོ་མོ་ལ་ཐིམ། དེའི་ཐུགས་ཀ་ནས་འོད་ཟེར་ཁ་དོག་སྣ་ལྔ་རིགས་ལྔའི་ཚུལ་དུ་བྱུང་པས་སློབ་མའི་སྤྱི་བོ་ནས་ཞུགས། འཁོར་ལོ་བཞི་རིམ་གྱིས་གང་པར་བསམ་ཞིང་གུ་གུལ་དང་ཚིལ་ཆེན་སྤོས་ཀྱི་དུད་པས་བདུག །ཅང་ཏེའུ་ཌཱ་མ་རུ་ལ་སོགས་པའི་སྒྲ་སྒྲོལ། སྙིང་པོ་ལ་དབང་དུ་བྱ་བའི་ཤམ་བུ་བཏགས་ལ་བཟླ་ཞིང་དབབ་པས། སྐུ་གསུང་ཐུགས་ཀྱི་བྱིན་རླབས་ལུས་ངག་ཡིད་གསུམ་ལ་ཕེབས་པའི་རྟགས་གསུམ་གང་རུང་གཅིག་མ་བྱུང་བར་དུ་བསྐྱར་ཞིང་བྱའོ། །དེ་ནས་དབང་བཞི་ངོ་སྤྲད་པ་ནི། གོང་དུ་ལྟེ་བར་ཆོས་འབྱུང་གི་ནང་དུ་ལྷ་བདུན་གྱི་དཀྱིལ་འཁོར་བསྒོམ་པར་བྱས་པའི་དུས་སུ་ལུས་ལ་དྲོད་སྐྱེ། དེས་ལྷ་དང་ངོ་སྤྲད་པ་ཡིན། དེས་
1-2-204a
༄༅། །བུམ་པའི་དབང་ཐོབ། ལུས་ཀྱི་དྲི་མ་དག །བསྐྱེད་པའི་རིམ་པ་བསྒོམ་པའི་སྐལ་བ་ཅན་དུ་བྱས། འབྲས་བུ་སྤྲུལ་པའི་སྐུ་ཐོབ་པའི་ནུས་པ་བཞག་པ་ནི་བུམ་དབང་། ལྷ་མོ་དྲུག་གཙོ་མོ་ལ་ཐིམ། བཾ་དུ་གྱུར། དེ་ཡང་འོད་དུ་ཞུ་བས་འོད་རྟ་རྔ་ཙམ་ཞིག་གི་ཚུལ་དུ་རྩ་དབུ་མ་ནས་ཡར་ཞུགས་པར་བསྒོམ་དུ་བཅུག་པའི་དུས་ལུས་ལ་བདེ་བ་སྐྱེ། དེས་གསང་བའི་དབང་ཐོབ། ངག་གི་དྲི་མ་དག །རྫོགས་པའི་རིམ་པ་བསྒོམ་པའི་སྐལ་བ་ཅན་དུ་བྱས་པའོ། །འབྲས་བུ་ལོངས་སྤྱོད་རྫོགས་པའི་སྐུ་ཐོབ་པའི་ནུས་པ་བཞག་པ་ནི་གསང་དབང་། འོད་དེ་ཡང་སྤྱི་བོ་ཚངས་བུག་ཏུ་ཐོན་ནས་ཁྲོ་མོའི་གནས་གསུམ་པོ་དེ་རྔུབས་པའི་ཚུལ་དུ་རྩ་བའི་ཞལ་ལ་ཐིམ་པར་བསྒོམ་དུ་གཞུག །དེའི་དུས་སུ་མི་རྟོག་པ་སྐྱེ། དེ་ནས་དབང་གསུམ་པ་ཐོབ། སེམས་ཀྱི་དྲི་མ་དག །ཆོས་ཐམས་ཅད་མི་རྟོག་པར་བསྒོམ་པའི་སྐལ་བ་ཅན་དུ་བྱས། འབྲས་བུ་ཆོས་ཀྱི་སྐུ་ཐོབ་པའི་ནུས་པ་བཞག་པ་ནི་དབང་གསུམ་པའོ། །སྐུ་འོད་དུ་ཞུ། དེ་ཐུགས་ཀའི་བཾ་ལ་ཐིམ། བཾ་ཟླ་ཚེས་ཐིག་ལེ་ནཱ་དའི་བར་དུ་མེ་ལོང་ལ་ཧས་བཏབ་པ་བཞིན་དུ་སྟོང་སངས་ཀྱིས་སོང་བར་བསམ་ལ༑ ཆོས་ཉིད་སྟོང་པའི་ངང་ལ་བློ་དར་ཅིག་བཞག་པས་དབང་བཞི་པ་ཐོབ། ལུས་ངག་ཡིད་གསུམ་ཐ་དད་དུ་འཛིན་པའི་དྲི་མ་དག །ཆོས་ཐམས་ཅད་ཟུང་འཇུག་སྤྲོས་བྲལ་དུ་བསྒོམ་པ་ལ་དབང་བའི་སྐལ་བ་
1-2-204b
ཅན་དུ་བྱས་པའོ། །འབྲས་བུ་ངོ་བོ་ཉིད་ཀྱི་སྐུ་ཐོབ་པའི་ནུས་པ་བཞག་པ་ནི་དབང་བཞི་པའོ། །དེས་སྡིག་པ་མ་དག་པ་དག་པ་དང་། དབང་མ་ཐོབ་པ་ཐོབ་པ་དང་། ལྷན་ཅིག་སྐྱེས་པའི་ཡེ་ཤེས་རྒྱུད་ལ་སྐྱེ་བའི་རྟེན་དུ་གྱུར་པ་ཡིན་ནོ། །དེ་ནས་སློབ་མ་ལྷར་གནས་པ་རྣམས་ལ་ཉེ་བར་སྤྱད་པ་འབུལ་བ་དང་། དཀར་གཏོར་བཏང་ནས་ཆང་ཕུད་འབུལ་བ་ནས། དགེ་བའི་རྩ་བ་བསྔོ་བ་ཡན་ཆད་རྗེས་ཀྱི་ཆོས་བརྒྱད་ནི་པཱུ་ཙའི་གཞུང་ལྟར་བྱས་ཏེ། ཁྱད་པར་ནི། ཡེ་ཤེས་པ་གཤེགས་ནས། དམ་ཚིག་དེ་རང་གི་ལྟེ་བར་བསྡུར་གཞུག །སིན་དྷུ་རའི་ཐིག་ལེ་བྱ། དམ་ཚིག་ཆོས་བཤད་དོ། །ཞལ་བཞི་མའི་སྒོ་ནས་སློབ་མ་དབང་བསྐུར་བའི་རིམ་པ་རྫོགས་སོ། །སྔགས་ཀྱི་སེམས་བསྐྱེད་པའི་བསྐོར་ནི་བླ་མ་རིན་པོ་ཆེ་ཉིད་ཀྱི་ཕྱག་བཞེས་སུ་མཛད་དེ་ཡི་གེར་ནི་མ་བྲིས་སོ།། །།
༄། །ཞལ་བཞི་མའི་སྒྲུབ་ཐབས་ལས་ཁ་ཚར་བདུན་དང་བཅས་པ།
བླ་མ་རྣམས་དང་རྡོ་རྗེ་རྣལ་འབྱོར་མའི། །ལྷ་ཚོགས་འཁོར་དང་བཅས་ལ་རབ་བཏུད་ནས། སྡིག་སྤྱོད་རྒྱལ་པོ་ལ་སོགས་འགྲོ་བ་གང་། །ལོག་པའི་ལམ་ལས་བཟློག་ཕྱིར་དབང་དུ་བྱ། །དེའི་རིམ་པ་ནི། གནས་ཁང་བརྒྱན་ལ་མཎྜལ་བྲི་བ་ལ་སོགས་ཏེ། བཅས་ཐམས་ཅད་གོང་ལྟར་རྒྱས་པར་བཤམ་མོ། །དེ་ནས་སྟན་བདེ་བ་ལ་འདུག་ལ། སེམས་བསྐྱེད་དང་བསྐྱེད་རྫོགས་ཐམས་ཅད་རྒྱས་པར་བྱ། བཟླས་པ་བྱ། དེ་ནས་རྡུལ་ཚོན་གྱི་བཾ་ལས་ལྷ་བསྐྱེད་པ་དགུག་གཞུག་ལ་སོགས་པ་བྱས་ནས། ཆང་བྱིན་གྱིས་བ་
1-2-205a
༄༅། །རླབས་ནས། བླ་མ་མཆོད་པ། བདག་གཞན་བསྲུང་བ་ལ་སོགས་པའི་རིམ་པ་ཐམས་ཅད་པཱུ་ཛ་ལྟར་བྱ་སྟེ། ཁྱད་པར་ནི། དཀྱིལ་འཁོར་ལྷ་མཆོད་པའི་རྗེས་ལ། གཙོ་མོའི་ཐུགས་ཀ་ནས་རྣལ་འབྱོར་མ་ནག་མོ་ཕག་ཞལ་ཅན་གྲི་གུག་དང་ལྕགས་ཀྱུ་ལ་སོགས་པ་མང་པོ་སྤྲོས་པས་བསྒྲུབ་བྱའི་སྙིང་ནས་བཟུང་སྟེ། རང་དབང་མེད་པར་མདུན་དུ་འདར་ལྡི་ལི་ལི་འདུག་པར་བསམ། ཨོཾ་བཛྲ་བཻ་རོ་ཙ་ནཱི་ཡེ་བཛྲ་བ་རཱ་ཧི་ཆེ་གེ་མོ་ཨཱ་བེ་ཤ་ཡ་ཨ་ཨ་ཞེས་བརྒྱ་རྩ་བརྒྱད་ལ་སོགས་པ་བཟླ་ཞིང་། ཐུན་དུ་བཅད་ལ་གསོལ་བ་གདབ་ཅིང་དབང་དུ་མ་འདུས་ཀྱི་བར་དུ་བྱས་ཏེ། བཏང་རག་པཱུ་ཛ་ལ་སོགས་པ་རྗེས་ཀྱི་ཆོས་རྣམས་ནི་གཞུང་ལྟར་རོ། །རྒྱལ་པོ་དབང་དུ་བྱ་བ་ཡིས། འགྲོ་རྣམས་དབང་དུ་འདུས་པར་ཤོག། །།ན་མོ་གུ་རུ། བཟླས་པ་ལ་བརྟེན་ནས་སྒྲིབ་པ་སྦྱོང་བ་ནི། སེམས་བསྐྱེད་ནས། རང་ཐ་མལ་པའི་སྙིང་གར་པད་ཉིའི་བཾ་ལས་འོད་འཕྲོས་པས་མདུན་དུ་ཆོས་འབྱུང་གཅིག་བསམ། དེའི་དབུས་སུ་པད་འདབ་བཞི་ལ་ཌཱ་ཀིའི་ས་བོན་བསམ། དེའི་ལྟེ་བའི་བཾ་ལས་འོད་འཕྲོས་ཏེ། སེམས་ཅན་སྦྱངས་ནས་ཚུར་འདུས་བཾ་ལ་ཐིམ་མ་ཐག་ཏུ་ཞུ་བ་ལས། རྗེ་བཙུན་རྡོ་རྗེ་རྣལ་འབྱོར་མ་འཁོར་དང་བཅས་པ་བསྐྱེད། དེ་ནས་ལྟེ་བའི་བཾ་ལས་འོད་ཚུར་འཕྲོས་པས་རང་གི་སྡིག་སྒྲིབ་སྦྱངས་ནས་རྣལ་འབྱོར་མར་གྱུར། བདག་གི་བཾ་ལས་འོད་
1-2-205b
ཕར་འཕྲོས་སེམས་ཅན་སྦྱངས། དེའི་འོད་ཚུར་འདུས་པས་རྣལ་འབྱོར་མ་ལ་ཐིམ། དེའི་བཾ་ལས་འོད་ཟེར་ཚུར་འཕྲོས་པས་རང་གི་ལུས་ངག་ཡིད་གསུམ་གྱི་སྡིག་པ་དག་པར་བསམ་ཞིང་བཟླས་པ་བྱའོ། །ཞལ་བཞི་མའི་སྒྲུབ་ཐབས་ལས་ཁ་ཚར་བདུན་དང་བཅས་པ། རྗེ་བཙུན་གསུང་ལྟར་བྲིས་པ་ལ། བླ་མ་མཁའ་འགྲོ་མ་མཉེས་ན། །ཞེ་འདོད་མེད་པས་བཟོད་པར་གསོལ། །གཞན་ལ་ཕན་པར་གྱུར་ཅིག །འདི་ལ་ཤིན་ཏུ་དམ་པར་མཛོད། །ཨྠྀི།། །།
༄། །ཞལ་བཞི་མའི་མངོན་རྟོགས་ཀྱི་རྟེན་གཞལ་ཡས་ཁང་བསྒོམ་པའི་སྐབས།
ཨོཾ་སྭ་སྟཱི། ཞལ་བཞི་མའི་མངོན་རྟོགས་ཀྱི་རྟེན་གཞལ་ཡས་ཁང་བསྒོམ་པའི་སྐབས་སུ། བྷྲཱུྃ་ཡོངས་གྱུར་ལས་འཁོར་ལོ་མཆོག །ཁང་པ་བརྩེགས་པའི་རྣམ་པར་བསྒོམ། ཞེས་འབྱུང་པས། འཁོར་དཔའ་བོ་དཔའ་མོ་སུམ་བཅུ་རྩ་དྲུག་ཀྱང་འཁོར་ལོ་ལྟར་བསྒོམ་ན། ཆོས་འབྱུང་ནང་དུ་བོ་ཡོངས་སུ་གྱུར་པ་ལས། སྣ་ཚོགས་པདྨ་འདབ་མ་བརྒྱད་པ། ཕྱོགས་བཞི་དམར་བ། ཤར་ལྷོ་ནུབ་བྱང་སེར་བ། ལྷོ་ནུབ་ལྡང་བ། བྱང་ཤར་མཐིང་ག །ཟེའུ་འབྲུ་ཁ་དོག་སྣ་ཚོགས། ལྟེ་བ་དམར་པོ། རཾ་ལས་ཉི་མའི་སྟེང་དུ་རྗེ་བཙུན་མ་བསྒོམ་ལུགས་གཉིས་གང་རུང་བསྒོམ། ཕྱོགས་ཀྱི་འདབ་མ་བཞི་ལ་ཤར་དུ་རྡོ་རྗེ་མཁའ་འགྲོ་མ་མཐིང་ག་བསྒོམ། བྱང་དུ་ལཱ་མ་ལྗང་གུ། ནུབ་ཏུ་དུམ་སྐྱེས་མ་དམར་མོ། ལྷོ་ན་གཟུགས་ཅན་མ་སེར་མོ་སྟེ། བཞི་པོ་འདི་ནི་ཞལ་བཞི་མ། གཡས་པ་གཉིས་ནི་གྲི་གུག་དང་ཌཱ་མ་རུ། 
1-2-206a
༄༅། །གཡོན་པ་གཉིས་ན་ཐོད་པ་དང་ཁ་ཊྭཱཾ་ག་བསྣམས་པ། ཞབས་གཡས་བརྐྱང་པས་པད་མའི་འདབ་མའི་ཉི་མ་ལ་གོམ་པ་བསྒྲད་ནས་འགྱིང་སྟེ་བཞུགས་པ། རོལ་པའི་ཁྲོ་མོ་སྐྲ་གྲོལ་བ། རྣམ་པར་མཛེས་མ་ཕྱག་རྒྱ་ལྔས་བརྒྱན་པ། འོད་ཟེར་རབ་ཏུ་འབར་བའོ། །མཚམས་ཀྱི་པད་མ་འདབ་མ་བཞི་ལ་ཉེ་བར་སྤྱད་པའི་ཐོད་པ་བཞི་ནི། ཟླ་བའི་སྟེང་དུ་དེ་བཞིན་གཤེགས་པ་བཞིའི་ངོ་བོར་བལྟ་སྟེ། པད་མ་དེའི་མུ་ཁྱུད་རིན་པོ་ཆེའི་ཕྲེང་བས་ཡོངས་སུ་བསྐོར་བའོ། །དེའི་ཕྱི་རོལ་དུ་ཐུགས་ཀྱི་འཁོར་ལོ་རྩིབས་བརྒྱད་པ་རྡོ་རྗེ་སྔོན་པོའི་ཕྲེང་བས་ཡོངས་སུ་བསྐོར་བའོ། །དེའི་ཤར་ཕྱོགས་ཀྱི་རྩིབས་པཱུ་ལི་ར་མ་ལ་ཡར། རྣལ་འབྱོར་མ་རབ་ཏུ་གཏུམ་མོ། །བྱང་ཕྱོགས་ཛཱ་ལན་རར། རྣལ་འབྱོར་གཏུམ་མིག་མ། ནུབ་ཕྱོགས་ཨུ་རྒྱན་དུ་འོད་ལྡན། ལྷོ་ཕྱོགས་ཨརྱ་ཏར་སྣ་ཆེན་མའོ། །ཡང་ཤར་ལྷོ་མཚམས་གོ་ཏ་ཝ་རིར་དཔའ་བོའི་བློ་གྲོས་མ། ལྷོ་ནུབ་མཚམས་ར་མི་ཤྭ་རར་མིའུ་ཐུང་མ། ནུབ་བྱང་མཚམས་དེ་བི་ཀོ་ཊར་ལང་ཀའི་དབང་ཕྱུག་མ། བྱང་ཤར་མཚམས་མཱ་ལ་ཝར། དཔའ་མོ་ཤིང་གྲིབ་མ་སྟེ། བརྒྱད་ཀ་སྐུ་མདོག་སྔོ་སང་ངེ་བའོ། །དེའི་ཕྱི་རོལ་དུ་གསུང་གི་འཁོར་ལོ་དམར་པོ་རྩིབས་བརྒྱད་ལ་པད་མ་དམར་པོའི་ཕྲེང་བས་ཡོངས་སུ་བསྐོར་བ། དེའི་ཤར་ཕྱོགས་ཀྱི་རྩིབས་ཀ་མ་རཱུ་པར་དཔའ་མོས་ས་བསྲུངས་མ། བྱང་ཕྱོགས་ཨོ་ཊར་
1-2-206b
འཇིགས་བྱེད་ཆེན་མོ། ནུབ་ཕྱོགས་ཊི་ཤ་ཀུ་ནེར་རླུང་གི་ཤུགས་ཅན་མ། ལྷོ་ཕྱོགས་ཀོ་ས་ལར་ཆང་འཐུང་མའོ། །ཡང་ཤར་ལྷོ་མཚམས་ཀ་ལིང་ཀར་དཔའ་མོ་སྔོ་སང་ལྷ་མོ། ལྷོ་ནུབ་མཚམས་ལམ་པ་ཀར་ཤིན་ཏུ་དཔའ་མོ། ནུབ་བྱང་མཚམས་ཀཉྩིར་རྟ་སྣ་མ། བྱང་ཤར་མཚམས་ཧི་མ་ལ་ཡར་མཁའ་གདོང་མ་སྟེ། བརྒྱད་ཀ་སྐུ་མདོག་དམར་ཡལ་ལེ་བའོ། །དེའི་ཕྱི་རོལ་སྐུའི་འཁོར་ལོ་རྩིབས་བརྒྱད་པ། འཁོར་ལོ་དཀར་པོའི་ཕྲེང་བས་ཡོངས་སུ་བསྐོར་བའོ། །དེའི་ཤར་ཕྱོགས་ཀྱི་རྩིབས་ཕྲེ་ཏ་པུ་རིར་མཁའ་འགྲོ་མ་འཁོར་ལོའི་ཤུགས་ཅན། བྱང་ཕྱོགས་གྲྀ་ཧ་དེ་བར་དུམ་སྐྱེས་མ། ནུབ་ཕྱོགས་སཽའུ་རཥྚར་ཆང་འཚོང་མ། ལྷོ་ཕྱོགས་སུ་ཝརྞ་དྭི་པར་ཡུམ་འཁོར་ལོའི་ཤུགས་མའོ། །ཡང་ཤར་ལྷོ་མཚམས་ནཱ་ག་རར་ཤིན་ཏུ་དཔའ་མོ། ལྷོ་ནུབ་མཚམས་སིན་དྷུར་སྟོབས་ཆེན་མ། ནུབ་བྱང་མཚམས་མ་རུར་འཁོར་ལོས་སྒྱུར་མ། བྱང་ཤར་མཚམས་ཀུ་ལུ་ཏར་བརྩོན་འགྲུས་ཆེན་མོ། དེ་བརྒྱད་ནི་སྐུ་མདོག་དཀར་ཙེ་རེ་བ་སྟེ། རབ་ཏུ་གཏུམ་མོ་ལ་སོགས་པའི་དཔའ་མོ་ཉི་ཤུ་རྩ་བཞི་ནི་ཡབ་ལ་འཁྱུད་པའི་དུས་སུ་ཞལ་གཅིག་ཕྱག་གཉིས་མ་གྲི་གུག་ཐོད་ཁྲག་ཅན་ནོ། །འདིར་ཞལ་གཅིག་ཕྱག་བཞི་མ་སྟེ། ཕྱག་མཚན་ནི་གོང་གི་བཞི་པོ་བཞིན་ནོ། །རོལ་པའི་ཁྲོ་མོ་རྣམ་པར་མཛེས་མ། གཅེར་བུ་རྒྱན་ལྔས་བརྒྱན་པ། ཞབས་གཉིས་བརྐྱང་བསྐུམ་གྱིས་ཉི་མ་ལ་བཞུགས་
1-2-207a
༄༅། །པའོ། །དེའི་ཕྱི་རོལ་དུ་སྒོ་མཚམས་མ་བརྒྱད་ནི། ཤར་སྒོར་ཁུ་གདོང་མ་མཐིང་ག །བྱང་སྒོར་འུག་གདོང་མ་ལྗང་གུ། ནུབ་སྒོར་ཁྱི་གདོང་མ་སེར་མོ། ཤར་ལྷོ་མཚམས་སུ་གཤིན་རྗེ་བསྲེག་མ་ནག་སེར༑ ལྷོ་ནུབ་མཚམས་སུ་གཤིན་རྗེ་ཕོ་ཉ་མོ་སེར་དམར། ནུབ་བྱང་མཚམས་སུ་གཤིན་རྗེ་མཆེ་བ་མ་དམར་ལྗང་། བྱང་ཤར་མཚམས་སུ་གཤིན་རྗེ་འཇོམ་མ་ལྗང་ནག་སྟེ། བརྒྱད་པོ་འདི་རྣམས་ཀྱང་ཞལ་གཅིག་ཕྱག་གཉིས་མ། རོལ་པའི་ཁྲོ་མོ་གཡས་བརྐྱང་བའི་གོམ་པས་ཉི་མ་ལ་བཞུགས་པའོ། ཁྱད་པར་དུ་མཚམས་མ་བཞི་ནི་རོའི་གདན་ལ་བཞུགས་པའོ། །རྡོ་རྗེ་ཕག་མོ་ལ་སོགས་ཏེ་རྣལ་འབྱོར་མ་སུམ་བཅུ་སོ་བདུན་པོ་འདི་རྣམས་ཐམས་ཅད་ཀྱང་ཐོད་པ་སྐམ་པོ་ལྔས་དབུ་རྒྱན་ཅིང་། རློན་པ་ལྔ་བཅུའི་ཕྲེང་བ་འཆང་བའོ། །རྟེན་གཞལ་ཡས་ཁང་ནི། ཁང་པ་བརྩེགས་མ་སངས་རྒྱས་ཀྱི་ཞིང་དག་པ་ཐམས་ཅད་འདུས་པའི་ངོ་བོ་རྣམ་པར་སྣང་མཛད་ཀྱི་རང་བཞིན། ཐར་པ་ཆེན་པོའི་ཕོ་བྲང་། རིན་པོ་ཆེ་སྣ་ཚོགས་ལས་གྲུབ་པ། གྲུ་བཞི་སྒོ་བཞི་པ། ཀ་བ་བརྒྱད་ཀྱིས་བཏེགས་པའི་རྟ་བབས་བཞིས་མཛེས་པ། རིན་པོ་ཆེ་མ་ལུས་པས་ལེགས་པར་བརྒྱན་པའི་རྒྱན་བཀོད་པ་ཚད་མེད་པ་བཞི་དང་ལྡན་པ། བ་དན་བཅུ་གཉིས་རླུང་གིས་བསྐྱོད་པས་དྲིལ་བུ་སྙན་པའི་སྒྲ་སྒྲོག་འབྱིན་པ། རིན་པོ་ཆེའི་ཕ་གུའི་འོག་ནས་དྲ་བ་དང་དྲ་བ་ཕྱེད་པ་
1-2-207b
འཕྱང་བ། ཟླ་བ་དང་། ཉི་མ་དང་། མེ་ལོང་དང་། མེ་ཏོག་གི་ཕྲེང་བ་དང་། དར་གྱི་ཆུན་འཕྱང་དང་། རྔ་ཡབ་བཀྲམ་པས་སྤྲས་པ། ཤིན་ཏུ་ངོ་མཚར་བའི་འོད་ཟེར་རྣམ་པ་སྣ་ཚོགས་འཕྲོ་བའོ། །ཕྱི་རོལ་གྱི་སྟེགས་བུ་ལ་པི་ཝང་མ། གླིང་བུ་མ། རྫ་རྔ་མ། རྫ་རྔ་ཆེན་པོ་མ་བཞི། བཞད་མ། ཕྲེང་བ་མ། གླུ་མ། གར་མ་བཞི། མེ་ཏོག་མ། བདུག་སྤོས་མ། མར་མེ་མ། དྲི་ཆབ་མ་བཞི། གཟུགས་མ། རོ་མ། རེག་མ། ཆོས་མ་བཞི་དང་བཅུ་དྲུག་གིས་སྟེགས་བུའི་ཕྱོགས་བཞི་ནས་མཆོད་བཞིན་པའོ། །ཕྱི་རོལ་དུ་རྡོ་རྗེའི་ར་བ། པད་མའི་ཕྲེང་བས་ཡོངས་སུ་གང་བའི་ནང་དུ། ཆུས་བཅད་པའི་དུར་ཁྲོད་བརྒྱད་དང་བཅས་པ་ཇི་ལྟ་བ་བཞིན་དུ་བསྒོམ་པར་བྱའོ། །ཞལ་བཞི་མའི་འཁོར་དཔའ་མོ་སུམ་ཅུ་སོ་དྲུག་གི་སྔགས་ནི། ཨོཾ་ཌཱ་ཀི་ནཱི་ཡེ་ཧཱུཾ་ཧཱུཾ་ཕཊ། ༀ་ལཱ་མ་ཡེ་ཧཱུཾ་ཧཱུཾ་ཕཊ། ཨོཾ་ཁཎྜ་རོ་ཧེ་ཧཱུཾ་ཧཱུཾ་ཕཊ། ༀ་རཱུ་པི་ནི་ཧཱུཾ་ཧཱུཾ་ཕཊ། དེ་ནི་རྩ་བའི་མཁའ་འགྲོ་མ་བཞིའི་སྔགས་སོ། །ༀ་པྲ་ཙཎ་ཊི་ཡེ་ཧཱུཾ་ཧཱུཾ་ཕཊ། ༀ་པྲ་ཙཎ་ཊི་ཀྵེ་ཡེ་ཧཱུཾ་ཧཱུཾ་ཕཊ། ༀ་པྲ་བྷ་ནི་ཡེ་ཧཱུཾ་ཧཱུཾ་ཕཊ། ཨོཾ་མ་ཧཱ་ན་སྱེ་ཡེ་ཧཱུཾ་ཧཱུཾ་ཕཊ། ༀ་བི་ར་མ་ཏི་ཡེ་ཧཱུཾ་ཧཱུཾ་ཕཊ། ཨོཾ་ཁར་ཝ་བྷ་རི་ཡེ་ཧཱུཾ་ཧཱུཾ་ཕཊ། ༀ་ལཾ་ཀེ་ཤྭ་རི་ཡེ་ཧཱུཾ་ཧཱུཾ་ཕཊ། ཨོཾ་དྷྲུ་མ་ཚ་ཡེ་ཧཱུཾ་ཧཱུཾ་ཕཊ། དེ་ནི་ཐུགས་ཀྱི་དཔའ་མོ་བརྒྱད་ཀྱི་སྔགས་སོ། །ཨོཾ་ཨེཪྺ་ཏི་ཡེ་ཧཱུཾ་ཧཱུཾ་ཕཊ། ཨོཾ་མ་ཧཱ་བི་ར་བི་ཡེ་ཧཱུཾ་ཧཱུཾ་ཕཊ། ཨོཾ་བྷ་ཡུ་བྷེ་གེ་ཡེ་ཧཱུཾ་ཧཱུཾ་ཕཊ། ཨོཾ་སུ་ཊ་བྷཀྵ་ཡེ་ཧཱུཾ་
1-2-208a
༄༅། །ཧཱུཾ་ཕཊ། ཨོཾ་ཤྱ་མ་དེ་བི་ཡེ་ཧཱུཾ་ཧཱུཾ་ཕཊ། ཨོཾ་སུ་བྷ་ཏྲེ་ཧཱུཾ་ཧཱུཾ་ཕཊ། ཨོཾ་ཧ་ཡ་ཀརྞ་རེ་ཧཱུྃ་ཧཱུྃ་ཕཊ། ཨོཾ་ཁ་ག་ན་ནེ་ཧཱུྃ་ཧཱུྃ་ཕཊ། དེ་ནི་གསུང་གི་དཔའ་མོ་བརྒྱད་ཀྱི་སྔགས་སོ། །ཨོཾ་ཙཀྲ་བེ་གེ་ཧཱུཾ་ཧཱུཾ་ཕཊ། ཨོཾ་ཁཎྜ་རོ་ཧེ་ཧཱུཾ་ཧཱུཾ་ཕཊ། ཨོཾ་ཤོན་དེ་ནི་ཡེ་ཧཱུཾ་ཧཱུཾ་ཕཊ། ཨོཾ་ཙཀྲ་ཝརྨི་ཡེ་ཧཱུཾ་ཧཱུཾ་ཕཊ། ཨོཾ་བྷ་ཡུ་བྷེ་གེ་ཧཱུཾ་ཧཱུཾ་ཕཊ། ཨོཾ་མ་ཧཱ་བ་ལ་ཡེ་ཧཱུཾ་ཧཱུཾ་ཕཊ། ཨོཾ་ཙཀྲ་ཝརྟི་ནི་ཡེ་ཧཱུཾ་ཧཱུཾ་ཕཊ། ཨོཾ་མ་ཧཱ་བིརྱེ་ཧཱུྃ་ཧཱུྃ་ཕཊ། དེ་ནི་སྐུའི་དཔའ་མོ་བརྒྱད་ཀྱི་སྔགས་སོ། །ཨོཾ་ཀ་ཀཱ་སྱཻ་ཧཱུྃ་ཧཱུྃ་ཕཊ། ཨོཾ་ཨཱུ་ལུ་ཀ་སྱཻ་ཧཱུཾ་ཧཱུཾ་ཕཊ། ཨོཾ་ཤཱ་ན་སྱཻ་ཧཱུཾ་ཧཱུཾ་ཕཊ། ཨོཾ་སུ་ཀ་ར་སྱཻ་ཧཱུཾ་ཧཱུཾ་ཕཊ། ཨོཾ་ཡ་མ་དན་ཏི་ཡེ་ཧཱུཾ་ཧཱུཾ་ཕཊ། ཨོཾ་ཡ་མ་དུན་ཏི་ཡེ་ཧཱུཾ་ཧཱུཾ་ཕཊ། ཨོཾ་ཡ་མ་དཾཎྜི་ནི་ཡེ་ཧཱུཾ་ཧཱུཾ་ཕཊ༑ ཨོཾ་ཡ་མ་མ་ཐ་ནི་ཧཱུཾ་ཧཱུཾ་ཕཊ། དེ་ནི་གདོང་མ་བཞི་དང་མཚམས་མ་བཞི་སྟེ་བརྒྱད་ཀྱི་སྔགས་སོ། །གཙོ་མོའི་སྔགས་ནི་གཞུང་བཞིན་གསལ་ལོ།། །།

